الأمومة تراود الفنانة دينا الشربيني: عايزة أخلف 6 أطفال
أفصحت الفنانة ديناالشربيني عن أبرز المخاوف التي تُراودها في الفترة الأخيرة، متحدثة عن انتقادها الدائم لذاتها، وقلة رضاها عن ما تفعله في حياتها، وركزت على بعض لحظات الألم التي تعرضت لها في حياتها، وحقيقة شعورها بالوحدة.
وقالت دينا الشربيني في برنامج «أدينا بندردش»: «دائمًا بهرب على النكد، علشان مش بحب أواجهه، وأنا من النوع اللي بيهاجم نفسه ومش بتبسط بنجاح شغلي ودي حاجة مش حلوة».
وتابعت دينا في حديثها عن أوجاعها قائلة: «تعرضت خلال حياتي لمواقف سيئة من بعض المقربين مني، في ناس قريبين مني اتوجعت منهم ومفرقش معاهم العشرة».
وأردفت دينا الشربيني في حديثها عن شعورها بالوحدة قائلة: «بحس إني وحيدة لما برجع من الشغل وده أسوأ إحساس، وأصبح عندي فوبيا يحصلي مشكلة مقدرش أسيطر عليها، وبخاف من المستقبل جدًا، وبقالي سنتين خايفة من إني أكبر في السن».
وعن أكثر أمنيات دينا الشربيني وقت الصغير هي: «في سن ما كنت عايزة أخلف 6 أطفال، خاصة إني اتخطبت وأنا صغيرة جدًا، ولكن الأطفال مسؤولية كبيرة، ودايمًا بقول إن جوزي لازم يكون زي بابا، ولكن عمري ما هلاقي حد زي بابا».
وكشفت دينا الشربيني عن شعور خاطئ تركت نفسها له قائلة: «حسيت في فترة ما إني عايشة في ضل راجل، وللأسف دي مش حاجة صح ولو الست سابت نفسها تحت الستارة دي مش هتبقى هي ومش هتحب نفسها».
