الفنانة أنغام عن زيجاتها السابقة: “أخذوا أكبر من حجمهم كان المفروض أسيبهم منبهرين بيا”!
تحدثت النجمة أنغام لأول مرة عن أسرار فشل زيجاتها، دون التطرق بالاسم لأي من أزواجها السابقين، لافتة إلى أنها مثل أي إمرأة تعيش حياتها الشخصية والعاطفية لكنهم كانوا منبهرين بأنغام قبل الزواج، ثم فوجئوا بشخصية أخرى طبيعية، لأنني بالتأكيد لي حياة أخرى غير الغناء، ومشكلتي أنني منحت بعض من تزوجتهم قيمة أكبر من حجمهم الحقيقي وأدركت إني كان لازم أسيبهم منبهرين بيا مش أكتر من كدة.
وقالت أنغام: “أنا اتجوزت أكتر من مرة، وأي جوازة اتجوزتها ما كنتش غير أنغام وعملت اللي أقدر عليه، ومش هقول أنا اللي غلطانة لكن هما ادعوا شخصيات غير اللي انتهينا بيها، وده كان سبب فشل الزواج وطلاقي”.
وخلال لقائها مع أنس بوخش، خلال برنامجه ABstalk، المذاع عبر “يوتيوب”، حذرت أنغام من خطورة حرمان الفتاة من حنان والدها لأنها ستبحث عن التعويض عند الشخص الخطأ، واعترفت بأنها منحت بعض من تزوجتهم قيمة أكبر من حجمهم الحقيقي، وتناست بنفس الوقت قيمتها الحقيقية.
وتابعت: “مريت بفترة نسيت قيمتي وكم أنا مهمة في الدنيا، أحياناً مقاومتي بتضعف من كتر ما بقاوم وبحاول طول الوقت أعافر ومش عايزة اتهد لكن اوقات الواحد مننا بيبقى عايز يسيب نفسه يتهد ويستسلم لشعور الإجهاد”.
وأضافت أنغام: البنت لازم تشبع حب من أبوها علشان ما تروحش ضعيفة لأي شخص وتبحث عن الأب في شخص غير والدها”.
وأكملت: “بعد كل طلاق اكتشفت إني بعطي اللي قدامي حق هو ما يستحقهوش وبحاول اكبره جنبي وده مش صح لإنه مش بيعجب وبعد كده بينقلب علي وبعترف إني ما كنتش حذرة في حاجات كتير، ومهم جدا أكون عندي حذر مع أي شخص بتعامل معاه بس خلاص مش هحب ولا اتجوز وعدم الحب قرار، ومبقاش فيا حمل أذية خالص اني اتزوج تاني”.
