داليا البحيري: أرفض الأسئلة اللي بتتعرض للحياة الشخصية

رفضت الفنانة داليا البحيري توجيه أي سؤال عن عمرها، مؤكدة أن هذا السؤال لا يليق أن يوجه إلى أي امرأة، كما أكدت وضع خطوط حمراء أمام أي تصريحات صحافية عن حياتها الشخصية، وقالت: «أنا بستفز جدا من الأسئلة اللي بيوجهها بعض الإعلاميين ليا كل سنة زي إيه بقى طقوسك في رمضان، أو بتحبي تاكلي أو تطبخي إيه في رمضان، الحاجات دي بتضايقني جدا أنا عايزة تجديد ولازم نبتكر ونغير الأسئلة».

وعن السؤال الذي تهرب من الإجابة عليه قالت داليا في تصريحات لبرنامج «صايم ولا زي كل سنة»، على الراديو «9090»: «عندك كام سنة؟ لأن الست ما ينفعش تتسأل السؤال ده».

وحول الخطوط الحمراء والتي ترفض تخطيها في اللقاءات الإعلامية، ردت: «أرفض الأسئلة اللي بتتعرض للحياة الشخصية، والصحافي أو الإعلامي له حق يسأل وأنا ليا حق أرفض الرد».

أما عن تأثير «السوشيال ميديا» في حياة النجوم فقالت: «فيه ناس كتير قاعدة ورا الكيبورد وبيصدروا أحكام على غيرهم، وما شاء الله بقى عندنا 100 مليون ناقد، وأنا بشوف الناس اللي بتعمل كده بينتقدوا بشكل شرس وفيه هجوم وانتهاك لحرية الناس، وساعات بيكون هناك ألفاظ قاسية وقصدهم من ده الشهرة».

يذكر أن داليا البحيري تغيب عن المشاركة بالمسلسلات المصرية لرمضان الجاري، ولكنها بدأت بالتفكير في تقديم جزء جديد من فيلم «حريم كريم» مع مصطفى قمر، وكشفت مصير الجزء الخامس من مسلسلها «يوميات زوجة مفروسة أوي»، مؤكدة أنها موافقة من حيث المبدأ على المشاركة في العملين ولكن بشروط.

المصدر: الأنباء