نفت الفنانة ريهام حجاج وجود أي معركة بينها وبين الفنانة ياسمين عبدالعزيز الزوجة السابقة لزوجها رجل الأعمال محمد حلاوة، مؤكدة أن القصة كلها من اختراع ««السوشيال ميديا»، لأن كل واحدة منهما تزوجت من رجل تحبه وتعيش حياة مستقرة.
وقالت ريهام، خلال لقاء تلفزيوني على شاشة النهار، إنها تزوجت من محمد حلاوة بعد انفصاله عن ياسمين بعام كامل، ولم يكن ممكنا عودتهما للحياة الزوجية مرة أخرى، مشيرة إلى أن الجدل حول زواجها من حلاوة سببه عدم إعلان انفصاله عن ياسمين في موعده.
وقالت: «يمكن الجدل عشان محمد ارتبط بشخصيتين مشهورتين، محمد شخص ناجح ومعروف، أنا وهو اتجوزنا بعد سنة من طلاقه، والطلاق ده مكنش معلن، والطرف التاني الآخر طلع قال تفاصيل الزواج في برامج أخرى، كل واحد حر حتى لو الطرف التاني ما أعلنش طلاقه ودي حياة شخصية مش معنى أن اتنين اتطلقوا يبقى حد فيهم وحش أو كان في مشكلة».
وواصلت قائلة: «ممكن جدا الاتنين ينفصلوا لأسباب خاصة بينهم، الناس مش المفروض تحكم أو تتكلم في حاجة شخصية زي دي، إحنا بنعاني من ده عشان إحنا مشاهير»، مضيفة: «الجمهور المحترم مابيتدخلش في الحياة الخاصة للفنانين، الناس اللي بتنتقد وبتكتب على «السوشيال ميديا» ده مش الجمهور، الحقيقة مافيش أي حرب وكل الأطراف اتجوزت ومحدش شايف الحرب دي غير جمهور «السوشيال ميديا»، محبتش أطلع أرد وقتها لأن هي مش حاجة غلط أو حاجة مخلة بالآداب».
واعترفت ريهام بتعرضها للابتزاز الالكتروني من بعض الحسابات التي تشن هجوما عليها، وقالت انها تلقت عرضا بدفع أموال مقابل وقف هذه الحملات، لكنها رفضت لأنها لم تفعل ما يدينها، وتزوجت على سنة الله ورسوله.
المصدر: الأنباء
-
-
-
-
-
-
