الفنان خالد عبد الرحمن يصدر أغنية «قسى وقتك»

كلمات أغنية قسى وقتك

إذا قسى وقتك .. وبالضيم حسيت
وبك ضاقت الدنيا .. على غير برهان

ولقيت نفسك بين يمكن وياليت
وما بين قسوة صاحب .. وبين خذلان

فلا تنحني للريح .. إلى تنويت
ولا يهمك لو يقولون .. غلطان

صادم زمانك .. كل مارحت أو جيت
بعزم وبهمة .. وبعيار مليان

والعز عز النفس .. لا من تهقويت
لاصار لك في عالي المجد عنوان

وإلى وصلت إلى النجوم .. وتساميت
زانت لك الدنيا .. على كل الأحيان

وما ينفعك كثر الرجاء .. لو ترجيت
لاصار مالك صيت .. في كل ميدان

واما كسبت الطايلة .. واستعزيت
غصبٍ على اللي راضي .. وكل زعلان

والإ بتبقى حي .. أقرب إلى الميت
تبقى على طول الليالي والإزمان

والناس ماترحم .. إلى من ترديت
وقد قيل .. مابه نار من دون دخان